柳氏家 (已結業)

啱啱食完lunch 要立即写食评！店员超有礼貌而且细心，2人比左个卡位我，座位非常舒服，以咁嘅价钱，咁嘅服务质素，CP 值系满分上次食系半年前，果次都ok 啦！不过今次遇到个中年男店员真系好好服务，本来经过屯门「牛角」服务不足后（$708位 2小时烧烤自助餐要我座张只放到2只碟既超细抬，仲要系我3日前订咗枱，全埸仲有大把位果种），我都无谂住再帮衬牛角，不过今日去行街，真系谂唔到食咩，所以食同品牌既柳氏家，叫左个差唔多最平嘅餐$89（自选烧肉）⋯其实我系谂住就算差都系唔见$89⋯另外加左$30 换另外3种牛肉，饮品，小食同软雪糕可以任食，限时60分钟，肉就每人只有一碟（佢另外仲有一个$158 位任食烧肉炸鸡翼餐120分钟），我觉得十分满意，牛肉都好食嘅店员好细心，帮我scan 完会员卡之后仲提我有张coupon 快过期，问我需唔需要用左佢先2位一共食咗$158，咁嘅价钱，咁嘅服务，仲想点我经常都话除咗食物重要之外，服务同座位都系我拣食店嘅原则。