深夜食堂 (已結業)

是夜同几位朋友去尖沙咀睇戏，晚餐拣咗深夜食堂，贪佢地点就脚（位于厚福街），而且食物选择多，绝对可以满足所有人。一口安格斯＄88肉质非常腍，调味出色，一口一粒，非常滋味！龙虾沙律小食＄52清新之选。烧油甘鱼鲛＄70我个人最钟意呢碟油甘鱼鲛，烧得刚刚好，鱼肉依然嫩滑细致，而且香味无穷，配埋酱汁食，真系一流！蒲烧鳗鱼饭＄88鳗鱼比较迷你，不算肥美，但味道很好，可以一试。秘汁白鳝烧（一串） ＄68白鳝又系冇得输，滑劣劣，秘制酱汁令佢加分不少！川式烧茄子（一条） ＄68非常浓味嘅烧茄子，采用川式调味，朋友话系全晚最好食嘅！香味牛肉配黑松露鹅肝什菌饭＄148食到嚟呢度我哋已经好饱啦，但仍然无损我哋对呢锅饭嘅评价。牛肉、黑松露、鹅肝、什菌共冶一炉，香气扑鼻，大家一致赞好！芝士虾球（六粒） ＄38可以拉丝的芝士虾球，芝士控必点！板烧黑松露带子（四件） ＄68章鱼大阪烧＄108大阪烧非常厚身，如果点左其他饭类、面类，就要考虑下食唔食得落（最后朋友打包左大半件返屋企）。酥炸广岛蚝＄48炸物同样出色，外皮酥脆，内里热烫多汁，正！全晚座无虚席，而店员人手紧绌，见佢哋忙得一头烟，都唔好意思催促佢哋太多，所以服务