亞泰

营业中

休息中

康城新商场陆陆续续多左店铺进场，八卦过黎行下先。呢到餐厅唔算多，朋友想食泰国菜所以一于试下呢到，叫左 火车头杂锦船河($78)、泰式车仔冻柠($68)、虾头油海鲜炒饭($78)、泰式拼盘($78)、龙眼冰($28)、青柠梳打($28)火车头杂锦船河：平时叫野食最中意一定系拣杂锦，因为可以每样都食下😜里面有肥牛、扎肉、贡丸、豆卜、泰式饺子。船河汤底味道香浓而且唔会过咸，令整碗汤河同D配料都吸收到D味道，够惹味😋泰式饺子大大只够饱满，肥牛都几大片下😄泰式车仔冻柠：佢系好似车仔面形式咁，喺7款配料当中自己拣3款配料，今次我地拣左猪颈肉、猪扒、扎肉，份量都唔算少，而且肥瘦适中👍🏻落埋冻檬汁之后，捞埋青瓜丝、萝卜丝、花生等一齐食几香口😋虾头油海鲜炒饭：个炒饭都炒得几均匀，饭粒分明够干身，而且唔会有D太浓味有D就无味咁，虾同鱿鱼配合虾头油黎炒更加鲜味😉黎张合张先泰式拼盘：即系有泰式春卷、虾饼、凤凰丸，拼盘当中虾饼真系最正，大大件，食落又弹牙爽口，点埋甜酸酱黎食真系一流🤤大合照😍青柠梳打：饮落好冰凉兼够气，味道清新够晒解渴😉龙眼冰：滋润饮品，喉咙少少唔舒服饮佢就最啱，仲有D龙眼肉可以食下😊呢到要加一