影片
更多
2021-11-30
173 浏览
同屋企人帮衬咗好几年嘅西餐，质素唔错价位合理，位置绝佳嘅佢相信都系唔少街坊嘅食堂～是日餐汤系椰菜花忌廉汤，有粒粒椰菜花嘅口感唔会打到变晒蓉。加钱可以升级做龙虾汤，汤嘅质感浓稠，味道香浓带点鲜味，配搭软熟微暖嘅餐包就perfect，仲有虾肉食。今次食嘅香煎三文鱼除咗卖相一流之外仲皮脆肉香，调味唔太重，最钟意系个柠檬牛油汁，香滑冇分离，更加带出三文鱼嘅味道。春鸡同样都做到鸡皮脆脆地锁住肉汁嘅效果，鸡肉嫩滑，自家烹制嘅烧汁亦有特色，加咗鹅肝入去煮，口味浓郁丰富。两道主菜嘅配菜都一样而且份量几多，最好食系有香草调味嘅新薯，亦几欣赏佢落咗洋葱、烟肉去炒边豆，食落唔会太单调。食埋个朱古力心太软做甜品(记住预15-20分钟早啲order)，流心嘅朱古力浆配云呢拿雪糕相信冇人会唔钟意，仲有杂锦切粒水果伴碟嘅小小心思。除咗普通咖啡茶外，依度嘅饮品都几值得嗌，天气凉咗饮到大大杯嘅鲜奶咖啡/抹茶真系暖入心呢～
是日餐汤系椰菜花忌廉汤，有粒粒椰菜花嘅口感唔会打到变晒蓉。
加钱可以升级做龙虾汤，汤嘅质感浓稠，味道香浓带点鲜味，配搭软熟微暖嘅餐包就perfect，仲有虾肉食。
今次食嘅香煎三文鱼除咗卖相一流之外仲皮脆肉香，调味唔太重，最钟意系个柠檬牛油汁，香滑冇分离，更加带出三文鱼嘅味道。
春鸡同样都做到鸡皮脆脆地锁住肉汁嘅效果，鸡肉嫩滑，自家烹制嘅烧汁亦有特色，加咗鹅肝入去煮，口味浓郁丰富。
两道主菜嘅配菜都一样而且份量几多，最好食系有香草调味嘅新薯，亦几欣赏佢落咗洋葱、烟肉去炒边豆，食落唔会太单调。
食埋个朱古力心太软做甜品(记住预15-20分钟早啲order)，流心嘅朱古力浆配云呢拿雪糕相信冇人会唔钟意，仲有杂锦切粒水果伴碟嘅小小心思。
除咗普通咖啡茶外，依度嘅饮品都几值得嗌，天气凉咗饮到大大杯嘅鲜奶咖啡/抹茶真系暖入心呢～
张贴
