影片
更多
2023-04-06
93 浏览
餐厅：鮨盛 (尖沙咀)地址：尖沙咀广东道122-126号中港中心11楼疫情过后，唔少人都即刻出走返家乡日本玩返几日同品尝日本料理🇯🇵，不过都有唔少人因为唔可以离开香港而被迫用其他方法怀缅日本情，讲紧嘅喺去依家开到成行成市嘅寿司店食Omakase🍣尖沙咀呢间开咗大半年嘅鮨盛 @sushisakaru ，餐厅名「鮨」解作「寿司」，而「盛」即喺「丰盛」，理念喺希望每个嚟到嘅人可以品尝到好味又丰盛嘅寿司😌有三位行内相当资深嘅师傅坐镇👨🏻🍳，其中有两位超过20年同一位超过10年厨师发办嘅经验。当中比较资深嘅两位师傅，承传咗有40几年制作江户前寿司经验嘅日本师傅——铃木正志(Masashi Suzuki)嘅专业手艺，当然仲有佢传统嘅元素、严谨嘅职人精神、对每道菜嘅讲究同认真，相信你嚟度就会感受到佢哋嘅功架同用心😎晚市有两款Omakase套餐，分别喺$1280有16品嘅「花Hana 」，同埋$1680有19品嘅「シェンShen」，依家仲做紧晚市$1680套餐第2位半价优惠，优惠话嚟就嚟，话无就无，真喺要好好把握机会，而我今次紧喺唔执输啦😍✝️前菜拼盘打响头炮有4道前菜拼盘，包括放喺紫苏叶上面、面头放
地址：尖沙咀广东道122-126号中港中心11楼
疫情过后，唔少人都即刻出走返家乡日本玩返几日同品尝日本料理🇯🇵，不过都有唔少人因为唔可以离开香港而被迫用其他方法怀缅日本情，讲紧嘅喺去依家开到成行成市嘅寿司店食Omakase🍣
尖沙咀呢间开咗大半年嘅鮨盛 @sushisakaru ，餐厅名「鮨」解作「寿司」，而「盛」即喺「丰盛」，理念喺希望每个嚟到嘅人可以品尝到好味又丰盛嘅寿司😌
有三位行内相当资深嘅师傅坐镇👨🏻🍳，其中有两位超过20年同一位超过10年厨师发办嘅经验。当中比较资深嘅两位师傅，承传咗有40几年制作江户前寿司经验嘅日本师傅——铃木正志(Masashi Suzuki)嘅专业手艺，当然仲有佢传统嘅元素、严谨嘅职人精神、对每道菜嘅讲究同认真，相信你嚟度就会感受到佢哋嘅功架同用心😎
晚市有两款Omakase套餐，分别喺$1280有16品嘅「花Hana 」，同埋$1680有19品嘅「シェンShen」，依家仲做紧晚市$1680套餐第2位半价优惠，优惠话嚟就嚟，话无就无，真喺要好好把握机会，而我今次紧喺唔执输啦😍
✝️前菜拼盘
打响头炮有4道前菜拼盘，包括放喺紫苏叶上面、面头放咗三文鱼子同Wasabi嘅枝豆豆腐；加咗芝麻同秘制酱汁嘅鸡软骨丸；有轻轻炭烧香嘅醋面豉鳗鱼；放入金箔、酸香开胃嘅冲绳水云
✝️日式蒸蛋
用咗北海道鳕场蟹蟹肉打成芡汁，炮制成蟹肉日式蒸蛋，普通嘅茶碗蒸蛋瞬间升华，充满住阵阵蟹嘅鲜香🦀
✝️干鱿鱼配𫚭鱼鱼春
两只干鱿鱼仔先经调味腌制🦑，再用火枪炙烧，配埋菠菜同粒粒分明又粉致、一啲腥味都无嘅当造𫚭(鲷)鱼鱼春 ，经鱼高汤慢煮再洒上食用干花同柚子碎，卖相都几精致
✝️伊左目他他配北寄贝
伊左目他他本身清甜而爽口，腌制后加上芽葱、芝麻、师傅即磨嘅Wasabi，用脆紫菜包住嚟食无得弹👍；另外仲有用七味粉网烧过嘅厚肉北寄贝
✝️北海道毛蟹配马粪海胆
毛蟹嘅蟹肉纤细而鲜甜，配上嫩滑浓郁嘅鲜甜马粪海胆，伴上爆汁鱼子酱作为调味作用，加上紫苏花做装饰，三重鲜味令人难以抵挡🤤
✝️稻草烟熏鲣鱼
外熟内生嘅鲣鱼，用稻草烟熏过后完美咁僻除晒鲣鱼嘅腥味🐟，鱼皮有啲焦脆，半生熟鱼肉除咗有本身嘅鲜香，仲带有阵阵烟熏风味🔥
✝️汁煮𩽾𩾌鱼肝
被誉为海中鹅肝，汁煮过后无晒苦涩腥味，入口有软腍丰腴半即溶嘅口感，绵绵细腻🥰
✝️烧鳕场蟹脚
北海道嘅鳕场蟹脚，肉质鲜甜饱满，轻轻烧过仲稍微逼出肉汁💦，洒上青柠汁同盐就更突出鲜甜嘅海水味🌊
✝️天妇罗
天妇罗有4款：莲藕、南瓜、独活(即鲜当归)同鲍鱼，前两者嘅天妇罗之前都有食过，独活同鲍鱼都喺第一次试🤓，鲍鱼食落依然弹牙软嫩，值得一赞天妇罗嘅外层薄而香脆，可口得嚟一啲都唔油腻👏
食完天妇罗就开始到寿司🍣，几乎每日都有新鲜嘅时令海鲜到店🐟，师傅更用上日本秋田米🍚，加入赤醋整成寿司饭，希望将最出色嘅食材呈献比大家
✝️石门鲷寿司
油腻丰富、食落爽口，另外加上柚子碎
✝️针鱼寿司
鱼身带银光嘅针鱼，肉质鲜甜、晶莹剔透，特别加咗葱喺寿司饭入面，刺身面头仲放上姜蓉，香味大大提升⬆️
✝️左口鱼寿司
肥美滑嫩嘅左口鱼，面头放上一块烟韧嘅炙烧左口鱼边，加上葱同萝卜蓉做点缀，层次分明，炙烧香喺重点😌
✝️大尾鱿寿司
大尾鱿相当有咬口，用紫苏叶压过再加上紫苏叶碎同姜蓉，食起上嚟有轻轻紫苏叶香🌱
✝️金目鲷寿司
金目鲷肉质细腻，粉嫩嘅肉身带有炙烧焦香
✝️手钓池鱼寿司
手钓池鱼喺日本渔夫逐条钓上嚟🎣 ，减少咗鱼身破损，望落鱼身会比较原整，食落更顺滑爽口，面头仲放上姜葱蓉调味
✝️赤身寿司
酱油渍蓝鳍赤身，口感比较滑身，面头嘅芝麻，加上饭里面隐藏住嘅紫苏叶，食起上嚟比成日食开嘅赤身寿司更有惊喜🎉
✝️大拖罗寿司
同样喺取自蓝鳍吞拿，大拖罗比赤身有更多油脂比例，色泽更鲜嫩粉红，绵密、入口即溶嘅口感真喺令人特别深刻难忘😝
✝️鸟贝寿司
大大块有份量嘅乌贝，肉厚得嚟爽脆滑溜，加上青柠汁去调味，估唔到比我想像中多汁💦
✝️海胆军舰
嚟自北海道嘅雾多布水产海胆，喺日本特有嘅一种小型海胆，鲜甜奶滑够creamy，回甘同海水鲜香势不可挡🤩
食完晒寿司，店完送上一碗热辣辣嘅鲷鱼白汤同甜品作结，是日甜品喺浓醇嘅抹茶雪糕配士多啤梨🍓，呢一餐真心大满足🥰
张贴
