影片
更多
2009-06-09
7 浏览
次次行经IFC，经过呢间餐厅门口都会睇一睇个menu，但次次都系过门而不入，觉得在IFC又冇靓景，只为食物真系值得付出如此消费咩??今日星期六中午去到IFC，parking竟然full咗，乜依家个个都出街消费咩? 等咗十分钟，至入得场，本来打算去Isola，但系谂起一路都想试嘅呢间意大利餐厅，不如行去睇吓今日menu先，Holiday's Special竟然系$298 for two，平日set lunch都要$200/人，对呢间餐厅嚟讲，都算系海啸价，即刻入去坐低先讲。已经差不多下午两点了，入面只有几枱客人，比咗一张四人枱我地两个，非常舒适，虽然冇靓海景睇，但系布置简单舒服，场上面有几幅画，仲有成幅墙咁高嘅酒架，格调高雅。一坐低，侍应已经端上menu，餐牌入面菜式不多，有啲类别甚至只系得两款选择，不过好多款式都有佢地推介嘅标志，可能系贵精不贵多。今日嘅set系for两个人，头盘有两款选择、三款意粉或意大利饭、三款Pizza、甜品、咖啡或茶，另外可以加$50有house red/white wine。1. White Wine (Branciforti Grecanico 2006/
今日星期六中午去到IFC，parking竟然full咗，乜依家个个都出街消费咩? 等咗十分钟，至入得场，本来打算去Isola，但系谂起一路都想试嘅呢间意大利餐厅，不如行去睇吓今日menu先，Holiday's Special竟然系$298 for two，平日set lunch都要$200/人，对呢间餐厅嚟讲，都算系海啸价，即刻入去坐低先讲。已经差不多下午两点了，入面只有几枱客人，比咗一张四人枱我地两个，非常舒适，虽然冇靓海景睇，但系布置简单舒服，场上面有几幅画，仲有成幅墙咁高嘅酒架，格调高雅。一坐低，侍应已经端上menu，餐牌入面菜式不多，有啲类别甚至只系得两款选择，不过好多款式都有佢地推介嘅标志，可能系贵精不贵多。
今日嘅set系for两个人，头盘有两款选择、三款意粉或意大利饭、三款Pizza、甜品、咖啡或茶，另外可以加$50有house red/white wine。
1. White Wine (Branciforti Grecanico 2006/2007, Sicilia) - 因为menu入面用嘅white wine冇货，唯有另外喺drink list入面拣选另一款，够冻，容易入口，够果香。
2. Assorted Bread - 意大利菜的指定动作，四旧切成正方体嘅面包，非常松软，但富有弹性，橄榄油同埋黑醋虽不至于百吃不厌，但系都算甘香。
3. Caesar Salad with Crispy Bacon 凯撒沙律配脆烟肉 - 蔬菜爽脆多水，加埋一块块大片Parmasan cheese，dressing份量啱啱好，唔会太多剩余喺碟度，最抵死系煎得香脆嘅烟肉竟然系一整条上碟，虽然外观美丽，但叫人地点吃呢? 毕竟有点烦，要自己动手切细嚟吃。
4. Soup of the Day (Leek & Potato Soup) - 薯仔茸非常丰富，令个汤底好甜，稀杰适中，加埋啲韮葱丝，口感一流。
5. Risotto with Italian Sausage and Red Chicory 意大利肠红菜烩意大利饭 - menu入面仲有两款pasta可供选择，虽然本人不太钟意食意大利饭，就系因为呢点，至可以试得出师傅手势。饭身带爽，饭心未熟透(西方煮法)，味道最特别系加入意大利肠，肠身层衣已经剥咗，再将肠肉起出嚟做成细细旧，本身已经带有香草，再在饭中加入香草，味道香到不得了 ; 而且个汁完全收干，粘满饭粒表面，每一啖入口嘅味道都咁浓郁。
6. Black Olive, San Daniele Ham and Rucola Pizza 黑水榄、圣丹尼火腿及火箭菜薄饼 - 唔知呢间嘅厨师系咪贪方便，定系佢地嘅style，今次嘅圣丹尼火腿亦都系唔分开，一堆就放在薄饼中间，连火前菜都系聚哂喺饼中间，搞到我地喺食之前要做一番功夫。不过批底非常传统，做到又薄又脆，加埋适合香港人而唔落太多嘅蕃茄酱，大量焗至软身嘅芝士，火腿味道偏咸，唔系人人接受到，但就发觉今次嘅黑水榄味道就完全同其他配料混和，可能系火腿味道偏浓所致，总之感觉良好，连我呢种唔好橄榄嘅人都接受到。
7. Daily Dessert 精选甜品 (Blueberry Cheesecake 蓝莓芝士蛋糕) - 碟面布置简洁，一件芝士饼加奇异果桨。中间唔太结实，食落应该系话系太淋身，应该可以整得硬啲、挺身啲，相信口感会好好多，芝士饼本身唔太甜，批底做得唔错，厚度硬度适中兼够脆，饼面嘅蓝莓同酱舖上糖霜，令甜酸度平衡，这个甜品只可以话系中规中矩。
8. Coffee or Tea - 意大利咖啡，味道香浓，制作出色 ; 柠檬茶系用Twinings茶包，质素有保证。
Comments: 值得一提系佢地嘅服务尤其细心，唔会无端端骚扰你，但你食完又会好迅速地收碟，然后又会短时间后为你送上另一道菜，时间掌握得非常好。食嘢最重要系咩呢?? 当然系用最新鲜嘅材料，最佳嘅烹调技巧，不过楼面亦都好重要，厨房同楼面一定要配合，至可以将最好嘅食物喺最新鲜嘅时段端上比客人享用，客人只可以感受到食物最好味嘅一刻，呢点佢地绝对做到。
临走时仲比咗一张coupon(上面有埋个set menu)，下次月底前嚟食晚饭可以六折嘅价钱享用佢地原价$10XX for two嘅set dinner，真系希望可以用得到。
张贴
