影片
更多
2024-10-07
840 浏览
好想试呢间小店，前后嚟过3次，头2次爆场要等，最后离开咗。今次星期日2点去到，先知道原来可book位，虽然我哋冇订座，要留名等call，但临近落场（1500），女店员话等2张台便可，预计15-20分钟。因为太想食，今次就等下啦~大约2点半收到call。坐低后都要等一段时间先有食物，因为舖头有12个位，满座，而只得老细一个人煮，，所以都唔简单。餐厅较细，2人台都系同隔离台「痴」住，较难倾计，感觉局促。电子落单，但餐牌上有唔少食物售完，选择有限。原本最想食的金毕文芝士冇得食，牛油果酱意粉亦冇，同时冇乜非肉类选择，所以素食系「click」既。不过，店员问准老细可以帮我煮黑松露菌意粉，但我哋觉得少贵（$138），冇点到。西班牙黑毛猪黑松露薯蓉沙律：睇狗狗爸爸切肉时已觉得块肉好腍，狗狗爸爸话好食、有肉汁，只系肉细件，亦唔算厚；薯蓉有淡淡黑松露香味，几好食，只系间中食到有薯粒未压烂；好食有部分原因系薯蓉油脂重，带油香，但就几heavy；沙律菜系点缀，份量少，简单地配芝麻酱，唔特别避风塘粟米：必食！由于冇太多素食选择，所以热气都拣咗呢个小食，但绝对冇点错。粟米香口，蒜粒炸到焦㶶，椒盐味重，劲惹味！食
大约2点半收到call。坐低后都要等一段时间先有食物，因为舖头有12个位，满座，而只得老细一个人煮，，所以都唔简单。餐厅较细，2人台都系同隔离台「痴」住，较难倾计，感觉局促。
电子落单，但餐牌上有唔少食物售完，选择有限。原本最想食的金毕文芝士冇得食，牛油果酱意粉亦冇，同时冇乜非肉类选择，所以素食系「click」既。不过，店员问准老细可以帮我煮黑松露菌意粉，但我哋觉得少贵（$138），冇点到。
西班牙黑毛猪黑松露薯蓉沙律：睇狗狗爸爸切肉时已觉得块肉好腍，狗狗爸爸话好食、有肉汁，只系肉细件，亦唔算厚；薯蓉有淡淡黑松露香味，几好食，只系间中食到有薯粒未压烂；好食有部分原因系薯蓉油脂重，带油香，但就几heavy；沙律菜系点缀，份量少，简单地配芝麻酱，唔特别
避风塘粟米：必食！由于冇太多素食选择，所以热气都拣咗呢个小食，但绝对冇点错。粟米香口，蒜粒炸到焦㶶，椒盐味重，劲惹味！食的时候有少少不便，因为粟米连芯，芯多渣食唔到，单食粟米粒要花啲功夫，唔系太易可以叉住咬嚟食
巴斯克芝士蛋糕：细细件，味道同质感其实几好，淡芝士味（真系淡架），冇乜甜味，应该比较健康；蛋糕表面唔够㶶，里面算系半软心，有少少杏仁碎摆盘，配埋蛋糕一齐食会带少少咬口；但蛋糕的温度系问题，上台时蛋糕已唔冻，近室温，我唔惯甜品系呢个温度，感觉有啲怪
菠萝梳打：唔错，唔会太甜
整体嚟讲，用餐环境系一般以下，冇乜私稳，而且因为空间细，设计、装修上较难突出到餐厅的个性；等食要有耐性，亦要一路上菜一路食，所以share会比较好，我见隔离台个蛋卷嚟咗好耐，但佢哋坚持等齐食物先一次过食，变咗个蛋卷摊到冻晒都好食有限；老细煮嘢好俾心机，一个人炮制咁鬼多嘢（包括甜品），唔容易，好挨得；食物份量偏细，主菜唔系好够食（正常女仔食量），但味道系唔错嘅。如果著重用餐体验、环境同气氛，呢度唔系好理想；如果只想食到用心制作的食物，可以考虑外卖，但以外卖嚟讲，价格略高。
支持老细物色较大的舖位，到时先
再考虑帮衬！
张贴
