影片
更多
2023-11-24
377 浏览
强烈提醒大家落单时要小心，尽量唔好揾老板娘，坚持自己想食D咩就算，千万唔好俾佢sell到。Please be reminded to stick to whatever you want to order. Avoid ordering with the lady boss as she will keep asking you to order this, order that, order more portion, trying to squeeze as much as money from you. 疫情前已经同唔同既朋友食过3次石墙道，疫情后第一次回归，谂住黎个Happy Friday! 本身由到达餐厅由侍应姐姐接待，上一层拣位，坐低等朋友，先送黎几杯热茶，我地就叫啤酒饮住先等朋友，佢地都无催我地落单叫野食，几位侍应姐姐态度都好好，所有野感觉都良好，点知由落单果一刻就出事喇......我地一行4人，其中3个之前都黎食过，就谂住先叫个，之后再加野食；点知其中一个讲广东话既侍应姐姐话一开头叫2人餐咁前菜只有2人份，叫我地落埋其他野食单先；咁我地转个头谂谂已经再叫，其中有个侍应就
Please be reminded to stick to whatever you want to order. Avoid ordering with the lady boss as she will keep asking you to order this, order that, order more portion, trying to squeeze as much as money from you.
疫情前已经同唔同既朋友食过3次石墙道，疫情后第一次回归，谂住黎个Happy Friday! 本身由到达餐厅由侍应姐姐接待，上一层拣位，坐低等朋友，先送黎几杯热茶，我地就叫啤酒饮住先等朋友，佢地都无催我地落单叫野食，几位侍应姐姐态度都好好，所有野感觉都良好，点知由落单果一刻就出事喇......
我地一行4人，其中3个之前都黎食过，就谂住先叫个[2人餐B3]，之后再加野食；点知其中一个讲广东话既侍应姐姐话一开头叫2人餐咁前菜只有2人份，叫我地落埋其他野食单先；咁我地转个头谂谂已经再叫，其中有个侍应就话落单要叫老板娘，无问题，我地就等老板娘过黎...老板娘系个银白短发著裇衫既‘’阿猪妈‘’，讲野系广东话 x 韩文 x 英文咁混住黎讲，其实都有少少听到R晒头同load唔切。一黎佢就问我地食唔食酱油蟹，我地唔岩食，就话叫2人餐B3，佢就一轮咀up-sell我地将餐果份五花腩加差额$140转佢个金奖五花腩，咁我地就谂住试一试啦，佢又叫我地加两份，好彩我地截住佢，只加一份；跟住叫F19牛肋骨($200)，佢又话果个系细既，叫我地叫南瓜牛肋骨 ($3XX)，但我地话唔食南瓜就推左佢；我地再叫左泡菜饼，佢就问我地够唔够呀？我地就话一阵唔够先再叫水冷面啦，谁不知佢当下已经即刻落埋单，到上菜时我地先知，唔知系咪想侧侧膊唔多觉，有少少老屈既感觉。临尾佢用广东话问我地要唔要芝麻叶同Onion，我地以为系问我地2人餐B3里面个菜篮要唔要呢两样野，所以就话好啦，阿老板娘无提过要收钱或者几钱！最后埋单原来每样都要收$50+10%。有少少俾佢禁住黎抢咁。
呢位所谓既老板娘仲好烦，佢好执著你D调味料点摆，又执著D前菜同菜篮点摆，一定要跟佢心目中既摆法咁摆。佢会教你点样用菜包烧肉，但又系好夹硬黎咁，硬系要你跟佢做法，如果唔岩心水要坚决同佢say no，唔好俾佢夹硬黎。其实我地都系放工想Happy Friday黎食餐饭，唔知点解好似有D被训导/教导既感觉。
野食系好食既，份量都唔错，调味牛肋骨好和味，前菜系丰富既，好几位讲广东话既侍应都好好服务，餐厅环境系韩式，但成餐饭就真系唔系食得几舒畅，被人hard sell完仲要俾人教化点样食呢样，点样食果样。临尾埋单见到原来芝麻叶同Onion每样要收$50+10%更加唔高兴。阿老板娘好似想㓥得几多就几多.....第一次黎食既朋友已经即场话唔会再有下次，食到成肚气。
调味牛肋骨
3 浏览
0 赞好
0 留言
张贴
