大和堂咖啡店

营业中

休息中

今朝喺九龙城interview完，但听日又要mid term，所以打算喺附近揾咗间咖啡店，饮杯咖啡令自己精神啲。见到有人喺铺面饮紧咖啡，但铺面嘅装修唔太似咖啡店，行近少少发现门前有块牌讲述咖啡店嘅历史，原来以前的确系药行，经历过香港重大嘅时刻，近年先将佢活化成咖啡店。餐厅入面依然保留昔日药行嘅特色，例如成幅墙都系百子柜。自己几钟意既一点系所有家私都系木制，能够贯彻咖啡店嘅风格。除咗咖啡之外，餐厅有提供食物，仲要系主食，例如汉堡热狗意粉等等。甜品亦有几款可以选择。由于太攰嘅关系即刻叫咗杯Americano，饮完非常醒神，甘苦既味道加上碟上「大和堂」呢三只字，令我有一刻以为自己系中药舖到。朋友叫左cappuccino，拉花非常精致，咖啡味非常香浓。鸡蛋仔与鸡看似唔夹，但淋上面嘅姜汁糖浆将两者融合埋一齐。鸡蛋仔非常松软，金黄色外皮嘅炸鸡非常嫩滑。以平底镬方式呈上食物亦够晒特别。我朋友话要减肥，所以叫咗大和堂特色沙律，里面有脆面包粒，蕃茄仔，温泉蛋，西班牙火腿同沙律菜。整体酸酸地几开胃。下次再嚟希望试下其他咖啡，或者可以花一天系大和堂咖啡店温书。