丁爸食府

营业中

休息中

呢间位于彩虹嘅过江龙台湾小食店丁爸食府，虽然店面唔系好大，但佢来头不小，今年仲荣获米芝连嘅名誉，所以我哋专登都嚟试一下。蚵仔煎：佢哋粉浆调配比例得宜，口感食得出有烟韧Q弹嘅口感，因为加埋蛋一齐煎，所以为其增添多一份蛋香。入面包住嘅蚵仔只只都大大粒又饱满，再配埋佢哋惹味嘅豆瓣酱就更能突出蚵仔嘅鲜味。炸臭豆腐：臭豆腐嘅臭味好浓，佢哋炸紧都经已离远都闻到，炸得非常之香脆，佢哋仲加埋台湾泡菜嘅辣汁，令臭豆腐变得更加惹味之余，仲更加好味。起司蛋饼：蛋饼饼皮较薄身，有浓郁嘅蛋香，入面嘅芝士可以拉丝，同蛋饼味道好夹。卤肉饭：嚟台湾小食当然要食卤肉饭啦，卤肉用嘅肉肥瘦均匀，食嘅时候有阵阵嘅油香肉香，而卤肉汁好香甜，用嚟配饭一齐食就一流。