公車泰國餐廳

营业中

休息中

baby boss一升到K2真系有啲忙,难得星期日得闲想轻松吓，揾一间坐得舒舒服服嘅餐厅食嘢，听朋友讲呢度有一间泰国菜咖喱软壳蟹好味，梗系试吓啦！咖喱软壳蟹软壳蟹多得好夸张，食到好满足，啖啖肉好好味，连配料薯仔好入味，咖喱微微辣，好香好惹味，送饭一流，我食咗成碗饭。泰式明炉乌头baby boss好钟意食鱼,所以嗌咗泰式乌头，酸酸辣辣好香嘅汤底，加入咗香茅、柠檬叶、芹菜等等好靓嘅明炉不停热住，唔好贴心俾多咗一碗泰式汤底，汤底冇晒都唔惊。爆脆蒜蓉包蒜蓉包热辣辣，超级香蒜蓉味，仲要脆到不得了，点咖喱酱一流，一个人疯狂食咗三片😅马拉盏炒通菜经典的泰国菜，通菜茎幼叶细，炒得好惹味，咸香味好香。一餐饭多谢朋友介绍， 大满足。