影片
更多
2017-12-11
118 浏览
很少到长沙餐一带揾食，但跟googlemap开车来也不难找，附近还有$14/小时的停车场，很方便。我们来之前一小时才打电话订位，两个大人一个B，咦，有位㖞，即刻过来，不过当时心谂，咁迟订位都仲有枱，间餐厅可能唔系好popular。嚟到的确餐厅只坐了两、三成客，但之后不足半小时已坐近八成full。我们点了两个set dinner，老公点了招牌乳猪配黄姜饭，我点海鲜烩饭，(由于一边食，一边要喂阿B食嘢，冇影相，p.s.餐厅是有ikea high chair 提供的)。以二百蚊度一个set，包starter、汤、main course同desert、餐饮，真系好抵，而且我觉得佢每一个course都好用心做，例如我个头盘要了带子红菜头香橙樱桃茄沙律伴柚子汁，三粒带子size虽然不大，但厨师都很用心把带子煎香，而配沙律的柚子汁亦很有清新的感觉(唔知个柚子汁系ready made，定系厨师自己调较)。老公个头盘系parma ham配哈密瓜，我冇试，但卖相不错。当晚餐汤系薯仔汤，味道都唔错，个汤都等咗好一阵先上，一问之下原来厨师仲整紧，所以佢唔系整咗一大煲好似例汤𠮶种。到main course了，个
我们来之前一小时才打电话订位，两个大人一个B，咦，有位㖞，即刻过来，不过当时心谂，咁迟订位都仲有枱，间餐厅可能唔系好popular。嚟到的确餐厅只坐了两、三成客，但之后不足半小时已坐近八成full。
我们点了两个set dinner，老公点了招牌乳猪配黄姜饭，我点海鲜烩饭，(由于一边食，一边要喂阿B食嘢，冇影相，p.s.餐厅是有ikea high chair 提供的)。
以二百蚊度一个set，包starter、汤、main course同desert、餐饮，真系好抵，而且我觉得佢每一个course都好用心做，例如我个头盘要了带子红菜头香橙樱桃茄沙律伴柚子汁，三粒带子size虽然不大，但厨师都很用心把带子煎香，而配沙律的柚子汁亦很有清新的感觉(唔知个柚子汁系ready made，定系厨师自己调较)。老公个头盘系parma ham配哈密瓜，我冇试，但卖相不错。
当晚餐汤系薯仔汤，味道都唔错，个汤都等咗好一阵先上，一问之下原来厨师仲整紧，所以佢唔系整咗一大煲好似例汤𠮶种。
到main course了，个海鲜烩饭份量大，海鲜份量亦多，饭的软硬程度恰到好处，但对于食物，我一向都是重质不重量，我觉得个海鲜饭望落啲汁的确好似好浓，但食落就觉得海鲜味唔系好够，厨师可能要再研究一下。
老公话佢main course既乳猪都不错，由于我唔食猪所以无试，不过可以见到啲皮系烧得好趣。
食完main course已经好饱，仲有desert，如果我冇听错，啲甜品全部都系厨师自己做，甜品选择好多，我点了 earl grey mousse cake(唔记得正确个名)，老公点了木糠布甸，两个甜品一啲都唔马虎，mousse cake系一个个独立做，唔系做咗一大盘砌一旧仔俾你𠮶种，我觉得可以媲美平日卖开五、六十蚊𠮶啲甜品，宜家跟set包埋真系好抵。
最后要赞服务员殷勤既态度，很细心，亦很留意食客的需要。
我和老公都话会再嚟！
张贴