老川皇

营业中

休息中

去佐敦揾食一定要行入后行先揾到好嘢食，今次因为同事好想食佳佳甜品所以喺附近揾咗一间餐厅入去食架晚饭，天气冻冻地咁梗系食辣野啦！食川菜一定要食水煮鱼，呢度嘅鱼肉非常嫩滑，而且切片个大细刚刚好，油唔算太多唔会食到成口油，辣椒亦都唔会过份多搞到成兜野都净系得个辣子，佢系有香料同埋强烈嘅八角花椒香味，唔使一阵就清左啦。另外叫咗个辣子鸡粒，细细碎碎嘅鸡粒同埋青椒炒埋一碟，非常香口，送饭一流。当然要叫菜啦，最钟意食嘅川菜就系莴笋丝，爽爽嘅口感加上少少盐嘅调味已经系一度非常出色嘅菜式，仲可以中和返辣油同埋麻辣嘅味道，清清口控。