平記麵家

营业中

休息中

今朝一早就到大埔熟食中心揾早餐食，经过记得好耐冇食个平记，咁就就坐低叫咗个细蓉～不一会热辣辣嘅云吞面就上枱，望上去嘅面坚挺扎实没有软淋淋嘅感觉，夹起入口，爽口嘅竹升面，加上本身猪肉云吞确系一绝，略嫌汤头比较平淡，如果是说传统的云吞，已是不错的选择。冇记错之前有人讲过，话平记嘅云吞猪肉味盖过虾味，有少少资料提供补充，平记本身嘅云吞系肉多虾少嘅旧式云吞，如果再旧一点的广州云吞只是只有猪肉，所以平记云吞肉味重属于正常呀，而家香港普遍有劲多虾嘅系后期演变出嚟。ps 最不喜爱啲虾多到好似虾饺咁嘅云吞⋯⋯戴返头盔先，我觉得好唔好食≠你觉得好唔好食，好唔好食因人而异。