影片
更多
2023-10-29
95 浏览
Neko Puff📍铜锣湾霎东街33号智选假日酒店地下G04B号舖今年老爸生日，我特登揾咗好多间蛋糕店比对，终于比我拣到呢一间世一拿破仑蛋糕店，拣咗个靓靓蛋糕同佢庆祝生日。相信钟意食拿破仑嘅大家对呢间猫猫主题嘅拿破仑甜品店应该唔会陌生，除咗因为佢既似画廊，又似甜品店之外，就系因为佢嘅拿破仑真系非常出名，攞咗世界冠军，以港法酥皮为特色做主打！都未食，净系睇相同埋实物都已经流晒口水啦！ 💰$318韩国草莓麻糬拿破仑 🍓🥐为咗保持神秘感，一开始俾老爸拣口味嘅时候，无提及到系拿破仑蛋糕嚟嘅，于是佢就按佢嘅口味拣咗韩国草莓麻糬，虽然我自己就会想试吓一啲特别啲嘅口味，例如无花果，但系既然系老爸生日自己拣嘅，就顺下佢意啦！呢款一磅装嘅韩国草莓麻糬拿破仑铺满香韩国草莓，三层松化嘅酥皮之间夹住浓香幼滑嘅秘制法式忌廉，内层仲夹有烟烟韧韧嘅抹茶麻薯，层次非常丰富。得奖拿破仑嘅过人之处就系港式同法式嘅融合，将两种酥皮嘅优点混和，发挥得淋漓尽致！酥皮食落咸咸哋，因为店家采用咗岩盐调味；酥皮可以做到酥脆而不易碎，因为选用咗优质嘅法国牛油。整一份拿破仑用嘅酥皮工序繁复，由搓皮到焗起只少要6个钟，而且佢哋无用到吉士忌
📍铜锣湾霎东街33号智选假日酒店地下G04B号舖
今年老爸生日，我特登揾咗好多间蛋糕店比对，终于比我拣到呢一间世一拿破仑蛋糕店，拣咗个靓靓蛋糕同佢庆祝生日。相信钟意食拿破仑嘅大家对呢间猫猫主题嘅拿破仑甜品店应该唔会陌生，除咗因为佢既似画廊，又似甜品店之外，就系因为佢嘅拿破仑真系非常出名，攞咗世界冠军，以港法酥皮为特色做主打！都未食，净系睇相同埋实物都已经流晒口水啦！
[价钱 Price]
💰$318
韩国草莓麻糬拿破仑 🍓🥐
为咗保持神秘感，一开始俾老爸拣口味嘅时候，无提及到系拿破仑蛋糕嚟嘅，于是佢就按佢嘅口味拣咗韩国草莓麻糬，虽然我自己就会想试吓一啲特别啲嘅口味，例如无花果，但系既然系老爸生日自己拣嘅，就顺下佢意啦！
呢款一磅装嘅韩国草莓麻糬拿破仑铺满香韩国草莓，三层松化嘅酥皮之间夹住浓香幼滑嘅秘制法式忌廉，内层仲夹有烟烟韧韧嘅抹茶麻薯，层次非常丰富。
得奖拿破仑嘅过人之处就系港式同法式嘅融合，将两种酥皮嘅优点混和，发挥得淋漓尽致！酥皮食落咸咸哋，因为店家采用咗岩盐调味；酥皮可以做到酥脆而不易碎，因为选用咗优质嘅法国牛油。整一份拿破仑用嘅酥皮工序繁复，由搓皮到焗起只少要6个钟，而且佢哋无用到吉士忌廉，反而选择咗以冷空气代替吉士粉发打，既做到挺身嘅效果又唔会有坊间拿破仑咁油腻，加上系日日新鲜喺店内厨房即叫即焗，即使单价贵过平时嘅甜品店，但净系食手工同心机都算超值！
今次真系非常之有惊喜，就连唔钟意食拿破仑嘅妈咪都话好食，阿妹就话蛋糕唔油腻，我朋友呢就话个麻糬系成个蛋糕画龙点睛嘅地方，最重要系老爸食后好开心，总言之大家都好评满满啦！下次我会想试吓其他口味，或者独立件装嘅迷你拿破仑，食过嘅大家又会推介我食咩味呢？
张贴
