玉庭

事缘男友想食旺角帝京轩，但BOOK唔到。所以就BOOK左屋企附近既同一集团既玉庭。可能疫情既关系，就算星期日都冇乜人。 唔知大家有冇留意，呢间酒楼既茶壶较小，好似一人份量咁，好快就要加水。虽然冇乜人，但上菜都要等15分钟左右，可能即立即整，所以啲食物都保持到好既温度服务态度唔错，叫甜品个阵，个侍应仲问系咪有个叉烧酥未到。 估唔到我哋未催，佢已经咁上心帮我哋追单整体用餐体验不错，我哋要人叫左4碟点心加一个面，大概 $5XX～唔算贵。 混酱车仔白肠粉男友妈妈拣既点心，估唔到一碟平平无奇的白肠粉，口感非常滑溜同软糯。我特别钟意佢个豉油，配埋酒楼既辣椒酱，非常好味，至于个甜酱同麻酱就普普通通。非常惊喜既一个点心蟹籽黑毛猪烧卖皇个虾大大粒，几新鲜。猪肉冇乜肥肉，我几钟意。外观都几精美，不过夹起上黎啲皮好黐。 可以一叫  ！黑钻松露野菌炆伊面闻同食落去都好有松露味，配埋酒楼既辣椒酱就好惹味啦。抺茶香芒卷呢个真系好失望！糯米皮同抺茶粉唔夹，里面个旧黄色布甸只味好似杨枝甘露，芒果就普通，食落去不伦不类。