DHYC Dimsum Restaurant

营业中

休息中

「DHYC」原来系「得闲饮茶」嘅意思。餐厅位于MONTEREY Place，面对将军澳跨湾大桥，仲系宠物友善，客人可以边饮茶边欣赏海景。 碧螺春/人参乌龙先拣茶，可以一人拣一种。碧螺春好浓味，人参乌龙有回甘唔苦涩。 焗叉烧包菠萝包面焗得松脆，叉烧馅料肥瘦适中。 鹌鹑蛋松露烧卖已经唔多茶楼有鹌鹑蛋烧卖，加咗松露增加香味。鹌鹑蛋仲做到流心效果，好嫩滑。 韭菜金钱蟹盒外脆内软，韭菜份量都几多，香味浓郁。 生拆蟹粉大良炒鲜奶以蟹肉、鲜奶同蛋白为主炒制，入口顺滑，食得出真材实料，火喉亦控制得啱啱好。加埋陈醋则可以解腻。 鱼香脆肉宝炸肉饼入面加咗芫荽同洋葱，几香甜，粒粒洋葱亦令口感冇咁单一。 樱花虾家乡煮米粉樱花虾钓出少少鲜味，成锅米粉朴实无华。