茶星人 (富榮花園) (已結業)

晏左放工8点几肚饿到死, 之前行过见到依间铺由两间店合并, 一边系御守寿司卖便当, 寿司, 另一边系E.TEA, 识做生意WO! 野食野饮一次过系度搅掂。 蒲烧鳗鱼饭 $62有好多款饭, 大多数系鱼生饭, 听讲系日本直送食材, 不过今晚想食热饭, 就叫左蒲烧鳗鱼饭, 呀估唔到个卖相又几靓仔, 一边系满满既鳗鱼, 另一边有3种配菜, 分别有中华沙律, 螺肉同栗米, D𩠌多到成盒饭都比佢盖住哂, 望落真系好吸引既。 可以见到鳗鱼表面烤到焦焦地, 可想而知食落个种焦香味, 再加上面头既芝麻, 香上加香! 香甜既酱汁亦完全入味。最重要系咩呀? 系冇骨! 连细骨都唔系好觉有呀, 啖啖肉岩哂我, 哩个饭62蚊真系抵食!奇亚杍火龙果 $33    苹果硬碰火龙果 $30饮茶饮我都一定会叫走甜既, 亦都会拣番D健康D既食材, 好似红火龙果打成既饮品咁, 奇亚杍火龙果入口有齐奇亚杍同火龙果杍既口感, 咬下咬下都几过瘾, 味道清甜解渴。 再买多杯比呀妈饮,  苹果硬碰火龙果, 多左种淡淡既苹果香, 两杯既底部都有火龙果肉, 真材实料!外卖黎讲绝对值得回头, 下次试埋佢D鱼生饭睇下系咪真系咁新鲜先