影片
更多
2023-10-18
664 浏览
秋凉时候最好就系打边炉，今日早收工约左同事去左打边炉，同事一早做好哂research揾到依间豪装打卡一流嘅火锅店，去到餐厅门口已经感受到豪华嘅氛围餐厅装修都以木色为主，复古味十足，座位之间亦相当宽阔，空间感非常高叫完野食后，自行出去火锅酱料区拎酱料，净系酱料都有十几款选择先上左个美颜花胶鸡锅，汤锅中有虫草花、冬菇、红枣，滋补养颜，而主角之一嘅花胶都有好多片，食落好滑溜又带点爽口，主角农场鲜鸡半只都唔惹少，份量十足，未开始打边炉前饮返啖原汁原味嘅鸡汤，已经非常浓郁带甜，汤底一直煲煮，鸡汤味道愈来愈浓，超正！一帆风顺卖相气场十足，真系好似一只只帆船，整得好似，其实系秋葵蟹籽墨鱼滑，估唔到秋葵嘅滑溜感同弹牙嘅墨鱼滑又几夹，各自保留原有味道，食落有种健康嘅味道七彩饺子 有齐七种不同颜色不同味道嘅饺子，灰色系和口香茜饺，食落有啲似牛肉球咁，橙色系冬菇荠菜饺，白色系虫草花饺，黑色系蟹肉黑松露饺，入口好浓烈嘅黑松露香，整体饺子味道都唔错，饺子皮都算几滑，厚薄中规中矩，我个人更喜欢薄皮，如果系薄皮就更好了天伦锅心一共有七款外观精美嘅点心，分别有兔仔、锦鲤、橘子、烧卖、小龙包同虾饺造型，内饀分别包左虾肉
餐厅装修都以木色为主，复古味十足，座位之间亦相当宽阔，空间感非常高
叫完野食后，自行出去火锅酱料区拎酱料，净系酱料都有十几款选择
先上左个美颜花胶鸡锅，汤锅中有虫草花、冬菇、红枣，滋补养颜，而主角之一嘅花胶都有好多片，食落好滑溜又带点爽口，主角农场鲜鸡半只都唔惹少，份量十足，未开始打边炉前饮返啖原汁原味嘅鸡汤，已经非常浓郁带甜，汤底一直煲煮，鸡汤味道愈来愈浓，超正！
一帆风顺
卖相气场十足，真系好似一只只帆船，整得好似，其实系秋葵蟹籽墨鱼滑，估唔到秋葵嘅滑溜感同弹牙嘅墨鱼滑又几夹，各自保留原有味道，食落有种健康嘅味道
七彩饺子
有齐七种不同颜色不同味道嘅饺子，灰色系和口香茜饺，食落有啲似牛肉球咁，橙色系冬菇荠菜饺，白色系虫草花饺，黑色系蟹肉黑松露饺，入口好浓烈嘅黑松露香，整体饺子味道都唔错，饺子皮都算几滑，厚薄中规中矩，我个人更喜欢薄皮，如果系薄皮就更好了
天伦锅心
一共有七款外观精美嘅点心，分别有兔仔、锦鲤、橘子、烧卖、小龙包同虾饺造型，内饀分别包左虾肉、菜肉等等
太极两仪
摆盘都系以太极嘅标志，一边系红酒浸安格斯牛，另一边系黑松露牛乳浸梅花猪肉片，安格斯牛肉切得厚薄适中，雪花脂肪纹分布亦相当平均，灼一阵就食得，入口牛味好浓郁，口感软熟，食到阵阵红酒味道，点少少酱料食更惹味，猪肉片厚薄亦一样适中，灼耐少少食都唔会靭，仲食到猪肉嘅甜味，口感实在带爽
皮蛋虾滑
平时食净虾滑就食得多，皮蛋虾滑真系第一次食，自己整碎皮蛋同虾滑沟埋一齐，灼煮后增加左个弹牙感，阵阵皮蛋香得黎又食到虾滑鲜虾味，双重口感双重味道享受
花花绿绿
杂锦蔬菜拼盘有油麦菜、南瓜、皇帝菜、娃娃菜、西洋菜、生菜、白菜仔、蕃茄仔同椰菜花，份量十足，全部菜都好新鲜之余，仲洗得好干净
最后叫左两杯饮品，分别系琥珀诱惑同花月豪庭，玫瑰花型冰球系番石榴汁制成，相当吸睛，再倒入新鲜奇异果汁、橙汁同菠萝汁，味道好清新
后者有哈密瓜、奇异果同棉花糖蛋卷摆盆，底层系蓝莓、苹果配北海道牛奶混合嘅奶昔，两杯解渴得黎又几得意
张贴
