花斑茶社 (金龍樓)

营业中

休息中

香港珍珠奶茶店实在太多选择，我都搞唔清边间打边间。复活节五日长假期，见疫情又有少少缓和迹象，一于到一年都无去一次既元朗走走揾好西食一落车已经见到沿路有几间新店铺开张，果日又鬼咁热，即刻想买杯饮品凉一凉，行下行下就见到一间装修比一般门面时尚既店舖，原来系台式珍珠奶茶店，叫花斑茶社，个名都几特别，又上网揾下呢间连锁店既评分系点先，原来都好高分，唔系好甜既我决定买杯试试。两个人叫左一杯名间四季春，少甜，另外又叫左杯招牌，黑糖珍珠乌龙奶茶，少甜。杯名间四季春茶味好香好出，少甜亦调得啱我心水，下次加埋个芝士奶盖试下先。另外一杯黑糖珍珠乌龙奶茶都好饮，我本身对奶类好敏感，所以开头只敢饮两啖，但紧系饮饮下又饮多咗啦，但当日饮完竟然个肚仔无事㖞不过唔知系因为太好饮，定本身杯野唔够大杯，好似好快饮晒可能果日系第一日开张既关系，门口好多人，里面有茶叶买，不过见太多人最后无买到，下次入元朗再买啦。