影片
更多
2019-01-08
1372 浏览
睇到食友大赞呢间店嘅软欧包，搞到小弟都心思思，趁住过嚟铜锣湾办点事，就到访一下「微酵烘焙」。店子位于世贸中心二楼一角，门面光猛，唔难揾，嚟到时都见到几多人买茶饮及拣面包。本来打算买面包，见佢买任何饮品，晌FB或IG分享番，即送爆浆珍奶软欧一个，无理由唔攞呢个着数架。所以，都买杯热饮暖吓身！简单嚟讲，一边喺制作茶饮，另一边就摆放多种特色面包。先介绍吓茶饮呢边，采开放形式，所以，见到师傅泡茶、冲茶、调茶……制作各式饮品。而柜前更摆放多款店家招牌饮品，目的都喺吸引路过嘅客人。小弟趁等嘢饮时，睇睇师傅冲调饮品，前枱放咗好多茶叶、茶包、用具……等等，而冲泡嘅过程，更好似冲咖啡咁，茶叶嘅份量要量过，用高压相冲泡，真喺一丝不苟。型格嘅师傅更解释佢哋用咗以专利研发萃茶程式嘅萃茶机制作茶饮，发挥茶叶嘅最佳状态，令味道更自然纯正。所以，呢度卖嘅茶饮，从餐牌所见，都颇为别具特色，分咗多种系列，如拿铁、果茶、奶盖、花茶……等等，选用来自台湾及世界各地嘅茶叶制作出精致茶饮，定价$25-$45。最好就喺甜度有得拣，由正常嘅可减到得番3分甜度。墨沏乌龙拿铁 $35若非身体有少少抱恙，首选喺会拣奶盖系列，不过，呢杯热
本来打算买面包，见佢买任何饮品，晌FB或IG分享番，即送爆浆珍奶软欧一个，无理由唔攞呢个着数架。所以，都买杯热饮暖吓身！
简单嚟讲，一边喺制作茶饮，另一边就摆放多种特色面包。先介绍吓茶饮呢边，采开放形式，所以，见到师傅泡茶、冲茶、调茶……制作各式饮品。
而柜前更摆放多款店家招牌饮品，目的都喺吸引路过嘅客人。
小弟趁等嘢饮时，睇睇师傅冲调饮品，前枱放咗好多茶叶、茶包、用具……等等，而冲泡嘅过程，更好似冲咖啡咁，茶叶嘅份量要量过，用高压相冲泡，真喺一丝不苟。型格嘅师傅更解释佢哋用咗以专利研发萃茶程式嘅萃茶机制作茶饮，发挥茶叶嘅最佳状态，令味道更自然纯正。
所以，呢度卖嘅茶饮，从餐牌所见，都颇为别具特色，分咗多种系列，如拿铁、果茶、奶盖、花茶……等等，选用来自台湾及世界各地嘅茶叶制作出精致茶饮，定价$25-$45。最好就喺甜度有得拣，由正常嘅可减到得番3分甜度。
墨沏乌龙拿铁 $35若非身体有少少抱恙，首选喺会拣奶盖系列，不过，呢杯热饮都唔错，打开杯盖，面头一层层奶泡，话佢似杯咖啡都有人信。入口，有啲似奶茶嘅感觉，但茶底唔会太浓，散发阵阵茶香。晌冷冷嘅街道上，拎住暖吓手，边行边饮，喺寒冬良伴。
另一边区域，就喺陈列咗各款面包，既然店方都想大家晌FB / IG打卡，当然好欢迎客人影相，既收宣传之效，亦喺信心嘅表现，就算俾对手知道有咩面包款式、定价，都唔怕你抄，喺怕你做唔到佢哋嘅质素。
既然店家大方俾人影相，就等小弟以相片介绍吓佢哋有咩产品，而小弟都喺第一次晌面包店内肆无忌惮咁慢慢影。题外话，大家知唔知咩叫做软欧包呢？小弟都喺上网查找吓，软欧包喺近年晌台湾及内地新兴起嘅名词，其实喺指所做嘅欧陆式面包，外表睇嚟好似好硬身，但口感却喺烟韧而松软。不单无添加，更会以特别嘅天然酵母嚟做发酵工序，务求令面包嘅风味更有个性。
唔止大方俾你影，仲有多款面包俾你试食，有啲已晌面包柜内切成小片俾你拎嚟试，亦不时有店员捧出一大篮面包俾客人试试，款式更喺啲招牌包款添。
特登影影个包装袋，因为袋背印有唔少温馨提示，建议你点样保存及回烤喺最好嘅。
爆浆珍奶软欧 $15佢哋每款包都有个名牌，唔单只得个名，更喺标明大概有咩成份，以及包款嘅特色，非常细心，更显专业。据店员介绍，由于制作程序都几繁复吓，所以，每日嘅供应都有限量。
切开就见到几「爆浆」，先讲包身，颇为软熟，仲有阵阵茶香，而馅心喺红茶吉士嚟，软滑幽香，此外，啲黑糖白玉珍珠柔韧富黑糖清香，令整体嘅口感、味道都富层次，真喺几得。
全麦松饼 $8贪过瘾又试吓呢一款松饼，都好特别架，喺用红酒酵母嚟发酵，更描述到会有淡致嘅酒香，真喺要试过先知。
口感一如大多数松饼咁，比较干身、实净，但极富麦香，搽啲牛油或果酱，配红茶就最好。
脏脏之胖 $35见到70%黑朱古力，就知道老婆一定钟意，专登拣嚟俾老婆试试。而除了用上70%比利时松露朱古力、可可粉之外，内里仲夹有忌廉芝士，并以天然酵母制作，绝对喺令人期待。
老婆第一眼见到个「嗱渣包」就哗哗声，因为真喺劲大个，大过我只手掌有多，而且，非常坠手。擘开个包就见到包心粗糙中见绵密，夹有好多忌廉芝士，而表面冚咗一层黑朱古力，洒上大量可可粉，所以，朱古力香气扑鼻而来，咬落更加好似层「脆皮」咁，味道带甘苦，面包嘅口感极有「软欧」嘅个性，咬落韧韧哋，却喺软绵绵，唔会一阵风咁，忌廉芝士嘅咸香味更有画龙点睛之效。
脏脏之胖
7 浏览
0 赞好
0 留言
虽然只喺试咗佢哋几款包，但无论用料、制作，以至材料配搭，都尽见心思及诚意，怪唔之得咁多人嚟潮圣。加上天然、健康，款式够特别，真喺值得面包控走一趟过嚟试试。
张贴
