火鍋煮場 (已結業)

上星期黎咗一次，$100  100支德国啤真系吓死人，开咗个Plan，伙记话两个月内慢慢饮，于是今个星期即刻翻焯，继续用埋个Plan佢，上次饮咗16支，今晚战斗力麻麻地，饮咗10支，仲有74支慢慢玩。今晚汤底叫咗蕃茄牛尾汤，个汤底好浓蕃茄味，同埋蕃茄同牛尾本身D味好夹嘅，所以唔打边炉就咁饮都好正。今晚牛就点了安格斯，系牛小排部位，D脂肪花纹都靓，师傅唔会切得厚薄适中，所以口感唔错，太厚难熟又易韧，太薄就一阵风咁样麻麻地。呢度仲有牛白肉叫，正，爽口，滚两滚就食得。蛏子好新鲜，又系滚两滚就食得，10秒左右就掂晒。云吞同韭菜饺都唔错，用料新鲜，食得出系好野，特别系韭菜饺，好好食。