Jan Jan 串揚專門店 (尊豪坊) (已結業)

超级钟意食呢一间喺尖沙咀嘅串烧店，中午时间去到都见到好多人食，真系好受欢迎！今次叫咗佢哋嘅套餐都有好多唔同嘅款式串烧拣，真系十五十六谂咗好耐先决定好！因为啲款式都好吸引！年糕口感非常之讨好，好钟意呢啲烟烟韧韧口感！山药食落甜甜地，而且仲系好有营养嘅健康食物。香菇串烧真系一流，蔬菜之中呢一款都算好多汁！芝士蕃茄鸡肉、京葱鸡都系必食推介，两款鸡肉味道都好正！本身自己都好钟意食鸡肉，啖啖肉实在太滋味！芝士蕃茄鸡肉有浓厚嘅芝士香味，又有清新嘅蕃茄酸甜味中和腻度！京葱鸡就好香香葱味道！烧饭团有好多唔同嘅味道拣，我就拣咗呢一个面豉味，好钟意呢啲比较传统啲嘅地道味道！食落暖笠笠嘅饭团仲有面豉香味。