影片
更多
2011-12-18
22 浏览
正常返工食午饭只有一个钟，但呢一餐食得真系特别耐。唔系话佢上菜慢，而系一齐食饭既人都倾得好开怀，优雅既环境加上精美既菜色，过左少少钟数系在所难免既，不过就有一种心慌慌感觉，因为有个会企系门口等你返既上司嘛>.<黑麦平时一定要预早订位，今次即日12点book 1点，又好彩有位㖞午餐有6款拣，定价由$88- $158，三个人点左三个唔同既餐。牛柳餐、烧鸡配薯蓉、意大利云吞(素食)。餐牌上面个名改得好靓既，不过事实就系呢几个菜色。先黎面包、南瓜汤同沙津。面包有三款咁多，各有特色，其中一款有果仁既系推介，软软既面包加埋果仁好香口，一定要试下。南瓜汤清甜又有忌廉味，不过唔系心水。沙津真系要推介下，虽然唔知沙津用既系咩豆，但系就越食越想食。期间，我地见到个沙律既菜好熟口面，但又讲极都讲唔出系咩菜，就问个服务员啦，佢就同我地一齐苦恼左一阵，然后话系'火箭菜'，仲立即向厨房确认，真系好认真啰。牛柳系朋友点的，七成熟，但好似话熟过头，八九成熟搞到d肉好韧。其实唔止呢度，次次听到d朋友点牛排，七成果d一定over cook，反而5、6成熟既就冇听过有over cook既投诉，其实可能唔系o
黑麦平时一定要预早订位，今次即日12点book 1点，又好彩有位㖞
午餐有6款拣，定价由$88- $158，三个人点左三个唔同既餐。牛柳餐、烧鸡配薯蓉、意大利云吞(素食)。餐牌上面个名改得好靓既，不过事实就系呢几个菜色。
先黎面包、南瓜汤同沙津。面包有三款咁多，各有特色，其中一款有果仁既系推介，软软既面包加埋果仁好香口，一定要试下。南瓜汤清甜又有忌廉味，不过唔系心水。沙津真系要推介下，虽然唔知沙津用既系咩豆，但系就越食越想食。期间，我地见到个沙律既菜好熟口面，但又讲极都讲唔出系咩菜，就问个服务员啦，佢就同我地一齐苦恼左一阵，然后话系'火箭菜'，仲立即向厨房确认，真系好认真啰。
牛柳系朋友点的，七成熟，但好似话熟过头，八九成熟搞到d肉好韧。其实唔止呢度，次次听到d朋友点牛排，七成果d一定over cook，反而5、6成熟既就冇听过有over cook既投诉，其实可能唔系over cook，只不过七成熟系已经太过熟者...意大利云吞都系朋友点的，试左一口，其实旧云吞就唔系好特别喇，不过个汁加上芝士碎就突然变得出类拔萃，唔系好浓唔系好'溜'但啖啖都系芝士味。
烧鸡配薯蓉，一向都钟意食薯蓉，呢个薯蓉好够牛油，又香又滑，而烧鸡肉质嫩滑，值得一试
甜品系芝士饼，一口一件刚刚好。虽然午餐要成百二、三蚊一个人又真系几贵，不过间中对自己好d，食d好野补返下，做野都开心d醒神d呀~~~
张贴
