616客香邨

营业中

休息中

因为疫情关系已经好耐冇去饮茶。星期日晚谂唔到要食乜嘢，忽然记起之前睇到客香邨有夜茶饮，所以就决定去𠮶度开餐。到餐厅时已经系晚上九点，点知仲系满座，因为我哋系三个人，企抬阿叔仲请一位单身客让咗张枱俾我哋。尼间餐厅系大围嘅老字号，做嘅都系熟客街坊生意。虽然系咁，但系佢哋都跟上潮流系用手机落单的，我亦都留意到揸车嚟呢度买外卖点心的人亦都唔少。实在太耐冇饮茶喇，所以睇到乜嘢都想食。我哋三个人一共嗌咗13碟点心，仲外加一碟干炒牛河同埋一碗招牌鸡粥。啲点心中规中矩，唔可以讲系突出，比较有印象嘅系个煎鲮鱼饼，仲有就系佢哋有灌汤饺卖，呢个点心好多茶楼都唔再做，所以食到佢反而系个小小的惊喜。干炒牛河系老公要嘅，都几大碟，亦够火候。至于碗鸡粥我就嫌粥底唔够好，啲鸡唔够滑，感觉一般而已。毕竟是做街坊生意的，所以点心都唔系贵。食咗咁多嘢，找数加埋一都只系500零，今时今日喺香港食嘢算系咁喇！