浜松水產 (已結業)

放工后同朋友去呢间位于旺角新开张既居酒屋 - 浜松水产聚吓. 一试之后好食不得了,值得推介!梅象拔蚌极盛: 包括三文鱼, 真鲷, 北寄贝, 帆立贝, 大拖罗,中拖罗,海胆以及象拔蚌刺身. 每款刺身都好新鲜, 即日空运到港. 而且刺身厚切,分量十足!蟹籽沙律: 同坊间其他蟹籽沙律略为不同. 浜松水产既蟹籽沙律系蟹籽蟹柳比例较多, 而青瓜同生菜分量比例较少. 连沙律都咁高cp值,值得一赞!黑毛猪肉饼: 外脆内软, 外边炸得香脆可口,入边系黑毛猪肉馅同薯仔蓉,软熟多汁得嚟又唔会有猪肉腥味. 系唔错既餐前小食!七味牛舌粒: 牛舌切得比较厚身有质感,牛味比较浓郁.另外分量偏大,又系一道抵食既下酒菜.鹅肝多士: 鹅肝分量亦都令人满意. 油脂丰富,入口即溶,而且润味又唔会好浓. 拍得住坊间专门食鹅肝既高级西餐厅水准! 寿喜烧牛肉锅: 主食锅物嚟讲相当足料! 汤汁较多,锅内配料分别有: 肥牛, 魔竽, 冬菇, 本菇, 粉丝, 竹轮, 洋葱, 金针菇等. 配上一碗白饭就更加好味!