紅磡冰室 (已結業)

每次食红磡冰室都要等位，不过唔好俾佢吓到，好快就会有位，因为真系快靓正！公司附近有佢真系一件太幸福嘅事。其实我每次都只会叫依个常餐B瑞士汁鸡翼捞丁，配炒蛋同蒜蓉包。落单后几分钟就会有野食咁钟情佢都有原因嘅，首先面质软硬啱啱，因为我中意食有少少硬嘅面，佢就正中我心，鸡翼就煮得好淋又入味，酱汁甜甜哋，唔会好咸。而炒蛋都真系次次都冇失手，好滑。以女仔嘅食量黎讲，依个餐每次食完都会好饱，但系价钱就好合理，咁有份量都系$44(送热饮)座位就真系好逼，但系以依个味道同价钱黎讲就真系超值。