添財記

营业中

休息中

［添财记］粥品肠粉出名就整个九龙城都知。粥品出色连配衬嘅油器肠粉都系必点之一。粥底够绵，配埋必点碎牛真系回味无穷，难怪发哥都经常光顾。其实除咗粥品出色，港式茶餐厅食品都做得好过好多茶记。基本上我每次都会点粥及茶档粉面《牛肉粥拼猪红》绵绵又热辣辣粥底，配上店内最受欢迎嘅碎牛肉，确实一试难忘。《虾米卷炸両》香葱加香口虾米混著薄滑肠粉，再包住油香满满嘅油炸鬼成为配粥之最，必点！《沙嗲牛红肠面》牛肉质素好，非常滑嫩，招牌沙嗲汁出色，浓郁但不盖牛肉香，搭配超力伊面及香葱另有一番风味。红肠有诚意地先炸至外皮微脆再上碟，好味。《咸牛蛋面》咸牛蛋炒得刚好并非常松软，咬落软绵但用筷子夹起亦不散，恰到好处。试过配炒面及三文治，各有特色百搭之选除咗以上四款推介，其他食物都做得出色，炒面亦非常受欢迎，雪菜米，各款三文治看似简单但每款都比其他茶记味道更细致，食物饮品都唔会令你失望。