滿堂樂滬京風味 (已搬遷) 新店位置

红磡真系好多老店, 呢间满乐堂都系红磡街坊既心水之选。就算过左午饭时间, 都总有街坊/ 学生/ 附近返工既人黎排队。我叫左个猪扒面+冬菇 ($35 + $7) 冬菇好厚肉, 啖啖肉, 而且带有浓郁既香菇味。 炸猪扒系分开上, 仲好细心已经全部切件, 方便食用。 猪扒炸得好香脆, 腌得好入味, 肉质松软而且带有肉香, 果然系招牌菜。面条采用幼身既面条, 仲有少量白菜, 配上清汤一齐食刚好中和左炸猪扒既油腻感。冻豆浆 $7豆浆有少少甜, 带有淡淡既黄豆香味, 唔错。店舖虽然装修老旧, 但人流依然络绎不绝, 靠既就系食物原味道。红磡明安街4号港铁黄埔站 B 出口, 步行约5分钟