十二少海鮮刺身牛肉火鍋專門店 (已結業)

由于住系附近，成日都见好多人排队，我同另一半都好钟意食牛同刺身，所以就趁开学无耐出嚟抖下气。地点方便就脚，大围站行去5分钟左右。由于热热地唔多开胃就简左蕃茄汤底，黎到一睇就知足料，香喷喷，饮一啖汤就知货真价实，好鲜甜。呢到最出名系刺身同牛肉，所以我地叫左三文鱼，希灵鱼同翡翠螺，果然产地直送，新鲜肥美。打边炉边面我地样样都想试，唔觉唔觉叫左好多，好满足。牛颈脊带有少少脂肪，有肉味得黎唔会韧，金钱展好有牛味，爽口弹牙，牛胸爽好特别，好似脂肪但系食落系爽口，好味。猪腩肉爽滑不肥腻。鸡件好滑。打边炉点可以唔叫海鲜，圣子细细只但非常肥美，鲍鱼洗得非常干净，入口爽口，虾黎到啲脚仲郁郁吓，非常新鲜，肉蟹非常多羔，食落好鲜味，刀贝带子都好鲜甜。我哋仲试埋佢嘅四色手打丸，弹牙爽口，一试就知用料十足。最后一定要试埋佢嘅手工饺，鲜虾云吞味道好大只，入边系只大大虾，麻辣饺子同芫荽饺子好惹味。我地叫左2杯饮品，见冻柠茶同咸柠7有个手指公就试呢2杯。2杯黎讲大大杯，我觉得透心凉既咸柠7咸咸地中和番个甜味，好味d，打边炉一流。价钱合理，一定有下次。