究極堂 (蜆殼街)

营业中

休息中

无意中发现咗呢间好食得嚟又几有feel嘅日本餐厅，环境坐得几阔落，几舒适，同日本当地嘅居酒屋一模一样，几啱同朋友chill吓倾吓偈，饮下酒都系个唔错嘅选择！嘢食嘅款式非常多，寿司刺身丼饭你谂到嘅都一定有，我哋嗌咗个半熟秘酱三文鱼丼同埋山芋泥碎拖罗丼，两样都系百零蚊，但系份量好多，而且食材好新鲜，半熟三文鱼丼几特别，平时食开都系生三文鱼丼，今次第一次食半熟，估唔到又有口感，感觉几新鲜，又几好食，下次有得拣嘅话，我谂都会拣返半熟三文鱼丼，未试过嘅都几推荐试吓！三文鱼刺身系超级厚切，油脂分布鲜明，一睇就知道系新鲜，入口嫩滑，好食！花之恋同样出色，配埋沙律酱同埋鱼籽，令到味道同埋口感更加多元化，更加有层次！最有惊喜嘅一定系脆香辣三文鱼卷，真系估唔到微微嘅辣配埋三文鱼卷系咁夹，最正嘅系佢真系煎到块三文鱼脆卜卜，无论口感定系味道都冲击我嘅味蕾，大力推荐！