Rakuraku 樂拉麵 (康怡廣場北座) (已結業)

行开Aeon唔知食咩好，就去咗康怡广场揾食。好耐无食拉面既关系就试下呢间乐拉面。中午有set lunch，包沙律或者汽水。一坐低就比龙虾汤既香味吸引住，所以就毫不犹豫拣咗 樱花虾龙虾汤拉面 HK$89 。同其他拉面店一样，系有得拣面既软硬度，我就拣咗适中。而叉烧就拣左豚腩。拉面一到，就见到有满满既樱花虾！食面前饮啖汤，个汤有啲油，但充满龙虾味，配埋软硬适中既拉面，令人一啖接一啖咁食。个豚腩反而无咩特别，中规中矩。除咗面同汤底之外，好欣赏佢个半熟蛋同炸莲藕片，令成碗面生息不少。如果可以单点炸莲藕片做小食就好喇