藍鳥

营业中

休息中

去长洲除左食芒果糯米糍之外，仲有其他唔错既美食！今次试左间叫蓝鸟既小店，朋友介绍要叫招牌炸鸡髀，同肉碎蚝仔粥！招牌炸鸡髀：超大份既鸡髀，新鲜即叫即炸，睇住佢放落油，再炸好上碟，有得选辣或唔辣，辣既佢会洒d木枚粉同七味粉系鸡髀面，超香！同佢有用南乳腌过，所以鸡髀食入口会有阵阵南乳香，而且肉质滑，鸡皮够香脆，果然系招牌！肉碎蚝仔粥：类似汤饭既粥，饭煮得岩岩好，唔会太绵，蚝仔都几多同新鲜唔会有腥味，加埋莞茜，葱等配料食落汤底都几鲜味，加入埋肉碎，令成碗鲜味加上肉香！亦见佢可以另加紫菜、蕃茄、皮蛋等其他材料！价钱亦合理！一试无彷！另亦有车仔面，同喇沙汤底粉面选择👍