Fairy Tale Cafe (已結業)

身为大埔人，有新野一定要去试啦～我系平日4、5点去既，人唔多只系有d学生，虽然位置唔多，但好快就有位啦～点餐要去柜台点系有d麻烦，不过可能店主想大家欣赏墙上既介绍，了解完先叫餐啦～等食时可以倾下偈，因为真系要有d耐性等美食。杂志介绍既抺茶西多士，卖相好靓，中间有d好似年糕既野，好「in un」，不过最好有3、4个人share，因为食到一半就好溜，觉得有d死甜。之前系尖沙咀食过一个唔好食既pancake,所以先入为主，觉得呢个都唔好食点知喜出望外。个边边脆脆，中间热腾腾，配埋雪糕一齐食，一绝！值得一赞店主既心思，因为成间铺既装修都食具都配合番个店名，应该用左好多时间搜萝👍