焼肉スマイル (燒肉smile)

烧肉smile原来就喺旺角文华广场1楼，环境企理衞生，抽风几好，场内零烟味。有个冷菜吧同沙律吧可以任食，小菜款式多又好食，沙律酱都好多款，仲有芝士粉添；我朋友就钟意食泡菜同韩式海带。佢嘅烧肉套餐会包一份肉品、一个主食同一碗汤，我哋就另外加钱叫咗个甜品。肉类会跟据等级而有唔同价钱，我哋就叫咗一个398嘅日本A5极上和牛同一个118嘅美国板腱牛套餐，最后两个餐都冇令人失望。A5极上和牛油脂丰富，入口即融，口感细腻，比得上嚟日本食过嘅肉，肉汁丰富，而且份量好足，厚切起上嚟带有嚼劲；至于美国板腱牛就口感弹牙，肉量刚好，食得满足，牛味十足，不得不提佢嘅韩式酱烧，唔会抢咗主角嘅风头。点都要赞下佢嘅焦糖欧蕾，净系需要加15蚊就食到，焦糖面好脆，欧蕾（应该即系布丁）够哂滑，系食完烧肉之后，一个平衡嘅收结。