溫飽

营业中

休息中

📍西贡都有唔少Cafe ，但系呢一间系会令我念念不忘。已经系第二次到访，嚟到西贡就真系会谂起佢哋嘅南瓜海鲜浓汤。小店木系嘅设计，阳光洒入去，令人有温暖嘅感觉，食完佢哋嘅出品的确系饱。店如其名 — 温 饱南瓜海鲜浓汤配香烤酸种面包 $148海鲜汤饮落非常浓郁 ，饮落有浓浓嘅虾味，同时饮到南瓜蓉嘅香甜，虾味同南瓜取得好好嘅平衡。亦都有配搭上酸忌廉 ，饮完原本嘅味道，可以捞匀落个汤到，减低整体腻感。自家制酸种面包沾上浓汤，酸种的面包吸满了浓汤，食落大大满足感。面包酸味颇突出，外壳烤得硬脆，内面依然带有半软身。呢个配搭食完之后，饱腹感满分！大啡菇牛油果Bagel $88有大啡菇、半只牛油果、自家腌制洋葱、蕃茄、沙律菜、坚果碎。大啡菇咬落多汁，牛油果软滑。洋葱、蕃茄减低牛油果油腻感。但食落比较论尽，好难一次过食晒咁多种配料。