鳴橋燒肉料理 (已結業)

呢排秋凉，突然好想烧野食。但今日同女朋友两个人就去韩烧算啦，拣左砵兰街呢间主打烧肉放题居酒屋。呢度既放题价钱相当抵，但食物选择同质素都唔少。首先当然有刺身，三文鱼，带子，北寄贝，甜虾都好新鲜。最值得一赞既系马刀贝，又爽口又鲜甜。烧既海鲜都有大虾，青口，龙脷柳，带子。熟食方面，天妇罗唔算太厚粉，炸鸡脾菇好好食。乌冬都够弹牙，味噌汤底唔会太咸太浓味。最后就梗系主角烧肉，猪牛鸡羊唔同部分都有，全部都够哂味，而且好稔。最值得一试系一口黑椒肠，惊喜的系竟然系台湾香肠，甜甜地又有黑椒味，个皮烧到脆再食更正。虽然呢间餐厅环境唔算大，但小店都有小店既亲切感，而且都坐得舒服。