泰COOL (鴻圖道) (已結業)

放工赶住去上堂，顶到9点终于有晚饭食，喺附近见到有泰国菜，二话不说冲入去。门口有有两尊泰像，一睇就知有泰菜食。冬荫功够酸够辣，落咗唔少香料，几开胃。除咗虾之外仲有好多鱿鱼，颇为足料。咖哩软壳蟹系我哋最钟意嘅一道，用嘅系黄咖哩，味道偏甜。软壳蟹炸得酥脆，而且都唔细。配上香滑嘅咖哩，𩠌饭一流。马拉盏炒通菜亦唔错，非常惹味，同样系白饭杀手。最后为咗奖励自己，我哋叫埋芒果糯米饭，糯米饭由三色饭组成，带微咸，椰汁味道好香，芒果亦算香甜，为忙碌过后嘅晚餐划上完美句号。