萬發海鮮菜館

营业中

休息中

去食大排檔，必定係想食鑊氣嘢，啤啤佢。但今次黎到萬發得兩個人，唯有少有少食，咁就試下佢必食之選！黑椒薯仔牛柳粒 薯仔炸到外脆內軟，內面依然仲有薯仔嘅軟糯感。牛柳粒份量都唔少，大大粒食，落有焦香嘅味道。薯仔同牛柳粒，基本上每一粒都沾滿蜜香。開頭都擔心兩個人食唔曬，食食吓已經食晒成碟。啫啫通菜煲通菜煲上到嚟熱辣辣，香味十足！用左蒜蓉、肉碎、蝦米、指天椒一齊炒。值得一讚嘅係，調味唔會過咸，亦都唔會過多油去炒。