樂天皇朝 (利舞臺廣場)

营业中

休息中

好味小笼包，位于利舞台，地址够就脚，最钟意坐得舒舒服服，服务一流，价钱唔贵，仲有下午茶时段，装修又靓。今日就食返个下午茶，平时食开八彩小笼包，影相够晒靓，又可以试唔同味道。今日朋友话想食原味小笼包，一样爆汁，肉汁鲜味味。必食。菜肉云吞猪骨汤，猪骨汤够清甜，饮番啖汤暖吓，菜肉云吞皮滑溜，今次第一次食呢个，有惊喜，下次会再encore。近排天气咁干燥，饮咗个罗汉果茶，够清润。上海妈妈烤麸有笋黑木耳，餐前小食一流。炸小馒头，加炼奶虽然话系小馒头，其实一啲都唔少，大大只，皮脆卜卜，入边软腍腍，加埋啲炼奶好好食。