富臨皇宮 (已結業)

今次一家大细去到富临皇宫酒楼食晚饭，酒楼以白色为主，系我最钟意嘅颜色。入到去酒楼布置以白紫设计，而且座位非常舒服，一张圆枱比我地四个人坐。侍应们都好有礼貌，即刻开茶位俾我哋，仲同我地推介呢度嘅招牌乳猪。除此之外，餐牌都有好多特价美食。一向钟意饮汤水嘅我，即时叫左一盅金银菜炖白肺，入面材料丰富，果然真材实料，有非常浓郁同埋好入味嘅白肺，好正。当然之后要叫返半只BB乳猪，外皮非常香脆，而且肉质鲜嫩，咬落去啖啖肉好小肥膏，难怪系酒楼嘅招牌菜式。小菜方面分别叫咗豉汁蒸大鳝、花胶北菇鹅掌煲同埋香薯一口牛。不得不赞就系一口牛外皮非常香脆，咬落去好有质感，而且薯仔好林，非常入味，必食小菜之一。最后叫咗几款甜品试吓，香芒糯米卷必食呀，估唔到芒果一啲都唔酸，而且芒果份量都比较多，好想再encore。最后埋单都只系＄700有找，四个人平均消费每人＄200都唔使，咁嘅价钱非常超值。