金樂軒雞煲魚鍋

营业中

休息中

久违了嘅金乐轩鸡煲鱼锅，covid前我成日黎食鸡煲，因为抵食又好味。今日约朋友去开北角，我提议要帮衬下，但因为最近天气太热，所以今次食小菜。一如以往，大大碟抵食，我哋样样都想食，叫咗好多，三四个人食都食到好饱。必食推介：佢地嘅墨鱼饼，真系唔知点解咁香口，令你食唔停！！脆皮炸大肠，同椒盬鲜鱿又系好好味。因为我哋太钟意食香口野，所以一定要叫一大樽竹蔗茅根水，自家制，润口解喝，佢哋有呢个option俾大家order真系好醒同贴心周到，因为你食鸡煲实配埋竹蔗茅根水。之后仲叫咗什菌牛颈脊，牛肉都多，好入味；仲有翡翠苗，好爽口，唔知点解自己屋企整唔到咁爽口。全餐都好满足，等天气凉d再嚟食鸡煲同火锅。