和田日本料理 (已結業)

依间分店和田放题已经系我必食既放题，刺身真系唔错，刺身系重要目标一定必先叫，亦系食放题唯一目的! 热食都唔差，所以值得再去，今次都唔例外。Book左1930都系可以1925左右入去坐住先! 刺身首先到，虎虾、希灵鱼、荣螺、三文鱼、剑鱼、马刀贝等全部好肥美新鲜，未食完都叫定第二轮刺身!鸡翼好干又无咩味，炸蚝几新鲜!第二轮刺身好快又到，全部一样好新鲜美味，马刀贝爽口，虎虾新鲜，外面放题好少有虎虾!鳗鱼寿司唔错，饭少唔会太饱肚!上面系茄子唔错，中间系花之恋，都系饭少而且外层三文鱼肥美新鲜，食左2件，下面系八爪鱼无咩特别!酒煮蚬，完全无酒味，成碟无味怪怪，不过蚬幸好无咩沙!第三轮刺身...都系果句，全部好肥美新鲜! 值得一食再食，出面好多都系第一轮新鲜d，其他round都一般，不过依间唔系!海胆碗仔翅…消失了的海胆…男友觉得唔错饮哂!羊架系一值希望想放题做得好…不过都系唔得，好”鞋”好干，唔会再叫…饮品都算多任食，有可口可乐、芬达、忌廉、菜蜜等等，酒就要收费!雪糕要自己出去攞，有芒果味、芝麻味、薄荷朱古力味、红豆味同绿茶味，不过唔知咩牌子，只好味系芒果味，芝麻味同薄荷朱古力味! 我食左6球了…