影片
更多
2022-01-03
467 浏览
星期日中午2点前到，排咗唔够20分钟就有位，似乎无以前排队等得咁夸张，2点半到3点避开繁忙时间就唔使等都有位。环境配上音乐气氛系几好，只系店面比较细客人枱与枱之间会坐得好近，两次嚟都有种我听隔离讲嘢隔离又听到自己倾偈嘅感觉，加上张枱细如果嗌得多嘢食会唔够摆，但以上问题毫不影响来光顾嘅意欲，食到已经好满足。今次本来想试吓 招牌泰式猪肉浓汤河，店员话依个香料调味简单清淡啲，最后都系叫返 招牌泰式和牛浓汤河，入边有炸猪皮、和牛、牛丸。面嘅份量唔多，但好钟意佢用嘅依一只河粉，加上个汤底先系精粹又唔会太油腻。我会加埋佢哋只辣椒汁去食，应该系佢哋自己调制嘅，够辣够惹味。碗通菜两次嚟叫都食唔晒，好大份哈哈。香炸半熟蛋配甜辣酱 我都系叫过再嚟食，系好食嘅！硬系要讲嘅话，就唔知会唔会有人觉得$78食两只蛋会有啲唔抵，虽然我估嚟得食嘅都唔太介意，又或者可以叫 炸猪颈肉配烤蕃茄辣酱，上次叫过又系好好食。饮品方面，我朋友叫咗 芒果百香果冰，我试咗一啖，沙冰打得幼细同足料系几吸引。我自己就叫咗支IPA。甜品如是，斑兰椰子汤圆 都系叫过再食，个人对斑兰口味情有独钟，椰浆椰肉配斑兰汤圆，入边系椰糖同椰丝做馅。两次同
环境配上音乐气氛系几好，只系店面比较细客人枱与枱之间会坐得好近，两次嚟都有种我听隔离讲嘢隔离又听到自己倾偈嘅感觉，加上张枱细如果嗌得多嘢食会唔够摆，但以上问题毫不影响来光顾嘅意欲，食到已经好满足。
今次本来想试吓 招牌泰式猪肉浓汤河，店员话依个香料调味简单清淡啲，最后都系叫返 招牌泰式和牛浓汤河，入边有炸猪皮、和牛、牛丸。面嘅份量唔多，但好钟意佢用嘅依一只河粉，加上个汤底先系精粹又唔会太油腻。我会加埋佢哋只辣椒汁去食，应该系佢哋自己调制嘅，够辣够惹味。
碗通菜两次嚟叫都食唔晒，好大份哈哈。
香炸半熟蛋配甜辣酱 我都系叫过再嚟食，系好食嘅！硬系要讲嘅话，就唔知会唔会有人觉得$78食两只蛋会有啲唔抵，虽然我估嚟得食嘅都唔太介意，又或者可以叫 炸猪颈肉配烤蕃茄辣酱，上次叫过又系好好食。
饮品方面，我朋友叫咗 芒果百香果冰，我试咗一啖，沙冰打得幼细同足料系几吸引。我自己就叫咗支IPA。
甜品如是，斑兰椰子汤圆 都系叫过再食，个人对斑兰口味情有独钟，椰浆椰肉配斑兰汤圆，入边系椰糖同椰丝做馅。两次同唔同朋友嚟食都赞呢个好OK。
招牌泰式和牛浓汤河
$148
23 浏览
0 赞好
0 留言
炒泰国通菜
$88
16 浏览
0 赞好
0 留言
香炸半熟蛋配甜辣酱
$78
29 浏览
0 赞好
0 留言
斑兰椰子汤圆
$78
19 浏览
0 赞好
0 留言
张贴
