The Pantry Cafe

营业中

休息中

葵芳新都会广场都开咗The Pantry Cafe！食饭又多咗个选择,同其他分店一样，餐厅面积好大，佢装修都系走小清新北欧风，木色系为主，搭配绿色植物装饰显得悠闲又舒适。有啲位仲系独立小圆枱，非常好坐。中午有lunch set都几抵食，我哋叫咗个烧鲈鱼柳、伴火箭菜嘅柚子意粉。套餐跟是日餐汤,个汤系忌廉薯仔汤,香浓绵密。烧鲈鱼柳有几块，表层用咗炸粉煎香,外皮香脆,入面鱼肉嫩滑多汁。伴有火箭菜增加口感,柚子意粉,酸甜开胃,好解腻。黑松露蘑菇pizza,呈长方形状，卖相唔错，份量都非常足够！底薄香脆,上面铺满咗蘑菇同黑松露酱,黑松露味好突出，配上蘑菇同芝士,口感很有层次。叫咗个黑松露芝士薯条解吓口痕，真系非常邪恶！混有黑松露味嘅芝士酱非常惹味，厚切薯条炸得金黄香脆,外脆内软。最后嗌咗份窝夫做甜品。估唔到好有惊喜！卖相吸引，用咗焦糖香蕉配搭，甜而不腻！窝夫外脆内软,配料丰富。加上烤杏仁、花生酱同云尼拿雪糕，口感丰富，非常推荐。