影片
更多
2024-11-25
0 浏览
提起观塘美食，好多人都会谂起骆驼漆，但今次观塘地胆带咗我去巧明街嘅国基集团中心揾食，地理位置更加方便，搭䢂仲好快添。「六两三」呢间餐厅喺尖沙咀都有分店。我认为观塘嘅分店比较宽敞，坐得好舒服。最近天气变冻，一坐低见到个餐牌有最爱嘅煲仔饭，紧系要叫黎暖暖胃，连菜同小食仲有野饮都系$100左右，劲抵！！即刻点左个咖哩牛筋腩煲仔饭。花枝丸小食，第一次见点蛋黄酱食，配搭几新鲜。之后嚟咗个炸黄金地瓜条，外脆内软，每一条都有浓浓嘅番薯味，非常啱食。之后就到咗主角煲仔饭出场，个饭嚟到未打开已经闻到好香咖喱味，一打开盖香味溢出，咖哩微辣唔会太抢口，牛腩大嚿唔韧、牛筋够爽，最重要饭焦够脆够香，非常好食。至于火锅，拣咗蕃茄昆布汤底，汤底够浓够香，未落料已经一人饮咗一碗。同埋佢个配料都算多，有菜有丸，我地仲加咗个鹿儿岛和牛，黎到一睇就知系靓牛，油脂分布平均，牛肉颜色又靓，仲要食落劲重牛肉味，非常推介！嘢饮方面，我懒健康，叫咗杯无糖冷泡茶，好清新，朋友就叫咗珍珠奶绿，甜度适中，我都忍唔住系咁偷饮。总括嚟讲呢间餐厅抵食，食物又美味，服务态度又好，又会提我哋小心个煲仔饭热，又主动帮我哋个边炉加汤底，支持用心制作嘅小
「六两三」呢间餐厅喺尖沙咀都有分店。我认为观塘嘅分店比较宽敞，坐得好舒服。
最近天气变冻，一坐低见到个餐牌有最爱嘅煲仔饭，紧系要叫黎暖暖胃，连菜同小食仲有野饮都系$100左右，劲抵！！即刻点左个咖哩牛筋腩煲仔饭。
花枝丸小食，第一次见点蛋黄酱食，配搭几新鲜。
之后嚟咗个炸黄金地瓜条，外脆内软，每一条都有浓浓嘅番薯味，非常啱食。
之后就到咗主角煲仔饭出场，个饭嚟到未打开已经闻到好香咖喱味，一打开盖香味溢出，咖哩微辣唔会太抢口，牛腩大嚿唔韧、牛筋够爽，最重要饭焦够脆够香，非常好食。
至于火锅，拣咗蕃茄昆布汤底，汤底够浓够香，未落料已经一人饮咗一碗。同埋佢个配料都算多，有菜有丸，我地仲加咗个鹿儿岛和牛，黎到一睇就知系靓牛，油脂分布平均，牛肉颜色又靓，仲要食落劲重牛肉味，非常推介！
嘢饮方面，我懒健康，叫咗杯无糖冷泡茶，好清新，朋友就叫咗珍珠奶绿，甜度适中，我都忍唔住系咁偷饮。
总括嚟讲呢间餐厅抵食，食物又美味，服务态度又好，又会提我哋小心个煲仔饭热，又主动帮我哋个边炉加汤底，支持用心制作嘅小店，会再帮衬。
张贴
