黑門水產すいさん (棉登徑)

营业中

休息中

香港唔封关，搞到我地被人封关冇得去大阪嘅黑门市场，好彩香港尖沙咀都有个黑门市场，哩度虽然冇野买，但食物款式一样咁丰富，烧海鲜、刺身、寿司、佐酒小食、铜物、天妇罗、饭面通通都可以食得倒。餐厅入面清一色木色，配上假天花上面嘅旗帜，真系好似去左日本咁呀！我地首先每人回左一杯野饮先。左边蓝色𠮶杯叫海底之心($68)，系一杯以Volka做底嘅鸡尾酒，不过酒味一啲都唔重，主要系菠羞同白桃香甜味，就算女仔都啱饮。而右边红色𠮶杯系巨峰梳打($58)，巨峰提子味好突出，都几好饮。六点刺身盛合($298)刺身包括海胆、帆立贝、油甘鱼、赤身、三文鱼同真鲷。刺身每款两件，全部都好厚切。黑门令大渔生菜包($128)生菜上面有海胆、虾、三文鱼籽同蟹肉，全部鲜味十足，用生菜包住黎食，几特别。黑门令蟹味噌甲罗烧($72)甲罗烧系其中一样我最钟意嘅滨烧菜式，蟹盖上面放满蟹膏、蟹肉、蟹籽、葱花同鹌鹑蛋，侍应会喺食客面前烧好甲罗烧。虽然甲罗烧卖相唔吸引，但蟹膏嘅浓郁味道再加上蟹籽卜卜脆嘅口感，配饼干食真系一流，饼干唔够仲可以免费追加。黑门三文鱼加州反卷($98)哩个加州反卷一份有六大旧，佢比起普通加州反卷最大分别系面头多左