影片
更多
2021-04-09
560 浏览
屋企附近开咗呢间叫大壹烧鹅嘅餐厅，见都几多人帮衬，就嚟试下佢嘅烧鹅系咪真系咁好食。其实我食过好多出名嘅烧鹅，都冇边间食完好想返转头再食。但系今次我发现呢间嘅烧鹅又几好食。嗌咗个烧鹅髀饭（其实比普通烧鹅饭贵咗$40）， 但好值，烧鹅髀真系又大只又多肉，睇见都非常之开胃！烧鹅髀皮脆肉嫩，我食得出八角同好多香料嘅味道，觉得个腌料应该都几足料，同埋佢嘅咸度系啱啱好，唔系死咸。最欣赏系个皮食落甜甜地，但又唔系平时叉烧酱𠮶种甜，真系好好食。大概夜晚八点几，转头已经听到话所有烧鹅都卖晒，隔离好几枱嘅人啱啱先嚟，已经冇得嗌烧鹅，所以大家要食一定要早啲嚟。除咗烧鹅正，另外我要再赞嘅系避风塘软壳蟹。见餐牌有个避风塘系列，突然之间好想食，嗌咗避风塘软壳蟹，两只138蚊。因为我系两个人嚟食，谂住一人一只啱啱好。点知上碟时候发现超大盘，原来系比我想像中嘅软壳蟹大，一开二都好大只，我谂系够四个人食，件件都半只手掌咁大，觉得超抵食。仲有非常之多嘅炸蒜，真系估唔到屋邨有咁地道嘅避风塘蟹食。热辣辣脆卜卜，好香口，但要有心理准备真系几热气！餐牌上见倒一个菜式的相几特别-士多啤梨猪扒，觉得应该系特色菜就嗌咗。钟意食士多啤梨
其实我食过好多出名嘅烧鹅，都冇边间食完好想返转头再食。但系今次我发现呢间嘅烧鹅又几好食。嗌咗个烧鹅髀饭（其实比普通烧鹅饭贵咗$40）， 但好值，烧鹅髀真系又大只又多肉，睇见都非常之开胃！烧鹅髀皮脆肉嫩，我食得出八角同好多香料嘅味道，觉得个腌料应该都几足料，同埋佢嘅咸度系啱啱好，唔系死咸。最欣赏系个皮食落甜甜地，但又唔系平时叉烧酱𠮶种甜，真系好好食。大概夜晚八点几，转头已经听到话所有烧鹅都卖晒，隔离好几枱嘅人啱啱先嚟，已经冇得嗌烧鹅，所以大家要食一定要早啲嚟。
除咗烧鹅正，另外我要再赞嘅系避风塘软壳蟹。见餐牌有个避风塘系列，突然之间好想食，嗌咗避风塘软壳蟹，两只138蚊。因为我系两个人嚟食，谂住一人一只啱啱好。点知上碟时候发现超大盘，原来系比我想像中嘅软壳蟹大，一开二都好大只，我谂系够四个人食，件件都半只手掌咁大，觉得超抵食。仲有非常之多嘅炸蒜，真系估唔到屋邨有咁地道嘅避风塘蟹食。热辣辣脆卜卜，好香口，但要有心理准备真系几热气！
餐牌上见倒一个菜式的相几特别-士多啤梨猪扒，觉得应该系特色菜就嗌咗。钟意食士多啤梨嘅我觉得好好食，甜甜地嘅猪扒配香浓既士多啤梨汁，原来又唔错，送饭食一流。下次会嚟再试下啲煲仔菜。
离开𠮶时先睇到门口嘅宣传报章，原来烧鹅在马鞍山开业的时候，每日限量卖一百只，仲发现原来我觉得特别嘅脆皮甜味道，系嚟自麦芽糖，唔怪得烧鹅髀味道咁特别。
张贴
