新香園

营业中

休息中

深水埗对于好多人嚟讲，绝对系超容易荡失路嘅热点，唔知你有无同感呢？话说我有一日因为要去深水埗买嘢，喺唔识路嘅情况之下，依稀记得经过一间怀旧茶记，门口大大只写住「驰名蛋牛治」！但𠮶日赶时间，所以无停低食下午茶。当隔咗一段时间之后，我嘅记忆只系剩返怀旧茶记，次次特登去揾但都揾唔翻！今日嚟到深水埗，我已经完全无咗呢回事，偏偏新香园大大只写住嘅「驰名蛋牛治」终于喺我面前再次出现，一于试试！新香园分店环境好啲，价钱都会贵少少；另外因为新香园分店个厨房大啲，所以推出唔少总店无嘅食物。不过，作为第一次嚟新香园，就梗系要试吓最基本嘅驰名蛋牛治啦！本身我冇谂过要烘底，但店员极力推荐，原来真系有惊喜！首先烘过嘅面包够香脆，而炒过嘅蛋牛又嫩滑，所以口感一流！牛肉份量好多，唔会炒得老，仲有唔少蛋汁，真系超级超级好味！Um…麻麻哋啦！因为新香园亦有售卖潮州粉面，所以呢个沙嗲牛肉螺丝粉带有一浸碱水味。牛肉系入味嫩滑嘅，不过相信冇人想喺一碗沙嗲牛肉粉面入边识到碱水嘅感觉。