韓宮 (已結業)

今日喺黄埔放工就顺便约埋同事食埋饭先走，去左民泰街一带行下，见到呢间韩国餐厅门口做梗自家腌制酱油蟹优惠，心郁郁有啲想食所以就入咗去帮衬。餐前小食分别有菠菜、泡菜、酱油薯仔同腌萝卜，每款前菜都非常够味。酱油蟹 ($68) : 见到实物流晒口水 🤤 酱油蟹一开四，每件都有劲多膏超鲜甜，口感同味道都超级正 😍 食完返唔到转头，见到每一台客都有叫，呢个酱油蟹必食。BBQ Set C ($499) : 有调味牛肋骨、牛五花、五花腩、猪颈肉同其他伴碟。牛肋骨啖啖肉超多汁，经调味后煎熟就已经食得，五花腩同猪颈肉同样烧至微微焦香，由于未腌过所以要配泡菜或者芝士食就更佳，第一次食烧肉有雪耳真系几特别 😂 等雪耳吸哂肉类嘅油脂再入口，食起嚟油香满溢非常邪恶，埋单时店员提到经社交平台订坐，都可以以优惠价 $68 食到酱油蟹一只。